哇經唔覺又過咗半個暑假，時間真係過得好快所以大家要好好珍惜！好多朋友都應該係暑假前段去咗旅行，但係玩完食完休息完，當大家叉完電之後就係時候要準備下嚟緊嘅一年，定下目標等自己好好咁樣過一個充實嘅暑假啦！
同大家分享我以前嘅經歷因為自問小時候暑假淨係識得食玩瞓，完全係懶到好似一隻豬咁！所以作為過來人真係要勸下大家好好裝備自己否則來年就會好辛苦有機會跟唔上課程！其實我係唔同嘅文章度同大家講過讀大學唔一係Hea，好視乎每個人嘅目標同志向！如果你準備去外國讀書，仲喺香港既時間可以盡量睇下自己嚟緊會學緊啲咩，唔好放低本書太耐啊
大家可能以為大學一年班就會係喺度玩啦認識朋友上莊，咁當然呢啲課外活動係唔少得嘅不過要提醒大家，文憑考試唔係你哋嘅最終點站，所以唔好太過鬆懈啊！仲有你哋可能會覺得唔係啊嘛又要讀書？好想同大家講一句人生流流長你哋每一個時間每一個階段都有唔同嘅挑戰同埋目標。
唔知大家呢一個暑假係過得快樂與否，如果各位留學生係呢一段時間係辛苦唔開心嘅，希望你地搵到一個抒發的藉口或渠道。儘量放鬆心情同埋記住呀一定要work hard and play hard.
總之大家就記住一定要將你哋嘅學業同生活取得一個平衡咁樣先至可以活得開心活得快樂！
可能大家又覺得我喺度講緊廢話不過希望大家聽得入耳作為一個過來人嘅身份被多啲有用嘅意見可以幫到大家啦！
GES熱線 (查詢、諮詢及預約)：
Tel: 3150 6060
Whatsapp: 6390 9020/ 63909026
