[暑假可以去邊度旅行：第一站意大利]

等我繼續分享下我過去一年的歐洲之旅啦！今次想同大家介紹的國家就係意大利啦！我留咗係意大利唔同嘅城市差唔多一星期，分別去咗威尼斯、佛羅倫斯同埋米蘭。意大利係一個非常受留學生歡迎的國家，因為我見到好多留學放假都會去遊覽。等我話比大家知意大利點解會咁愛歡迎啦！

當我決定去意大利嗰陣已經諗住一定要去水上之都威尼斯遊覽。個人黎講覺得威尼斯係三個城市入邊最靚最值得去同埋最應該留得耐既地方。同香港相比，威尼斯唔係真係好發達好繁榮、人數亦都普遍較少、可以出嚟購物嘅地方亦都唔算太多。但係景色係最靚最值得大家參觀同影靚相。（提提大家當大家去到威尼斯一定要買定船票，皆因除咗船之外係無任何嘅交通工具可以到達目的地⛵）最值得推薦比大家嘅景點就係玻璃島和彩色島。玻璃度人數相對比較少，大部份屋仔都會比較舊一點，但係就冇咁逼，相反彩色島都係威尼斯其中一個好熱門嘅地方，差唔多每一位遊客去到威尼斯都一定會去參觀，佢哋嘅屋仔真係七彩繽紛、五顏六色，好值得大家去影相打卡📸。除此之外威尼斯都有一個嘆息橋和聖馬可大教堂⛪，就算幾忙幾攰都一定要去參觀一下。

至於米蘭同佛羅倫斯，兩個城市都比較熱鬧同埋繁榮，最適合大家瘋狂購物。佢哋嘅名店係全世界數一數二，價錢亦都會相對比較便宜。所以如果大家要去掃貨就一定要留多幾日啦！

最後希望各位留學生好好珍惜在海外留學時間，藉住暑假可以遊覽歐洲各地增廣見聞😊唔知大家睇完呢篇文章之後，會唔會有興趣想去意大利呢😳祝大家去旅行玩得開心啲，一路順風啊！

有任何升學問題即管搵GES升學顧問幫手啦😀

【延伸閱讀】大家今年的夏天又在做什麼呢？

 GES熱線 (查詢、諮詢及預約)：
Tel: 3150 6060
Whatsapp: 6390 9020/ 63909026