我相信各位留學生如果係第一次出外讀書應該都對依方面唔太清楚，今日就同大家分享少少我以前嘅經歷啦。
首先戶口我都係去到英國先搞嘅。英國有好多銀行，但係最為人熟悉嘅就係匯豐銀行。我唔會特別話你應該係邊一間銀行到開戶口，純粹都係你自己個人喜好啦！咁但係我揀匯豐嘅原因都係因為我喺香港嘅戶口同樣地來自匯豐銀行，咁所以匯錢方面就會比較容易少少，依個亦係我最主要選擇匯豐銀行。咁但係有啲朋友就會喜歡長一大筆錢直接帶過去英國然後去開戶口，咁其實你就可以揀返你哋本身間學校所提供嘅戶口，其實係冇咩分別嘅不過匯款嘅時間可能會短少少，不過真係唔會相差得幾多。
咁好啦如果大家去到英國其實開銀行戶口唔係一件咁容易嘅事情，所需要嘅程序步驟都比較複雜。提提大家如果你哋去大學註冊，建議大家唔好第一日即刻去銀行。你要有齊晒所有嘅文件例如係CAS letter等最好帶齊晒所有嘅文件咁到時就唔使白行一趟啦！最好建議用一日時間去搞銀行戶口，因為佢哋做嘢會比較慢少少亦都要排隊，所以都幾需時㗎！
至於去英國之前要帶幾多錢呢？首先我建議大家喺香港嘅銀行換定現鈔，起碼你去到英國搭車用又或者去餐廳食飯，你們都可以直接用現金俾錢唔需要咁麻煩。除此之外我亦都會建議你哋可以將香港既錢轉至英鎊然後直接帶去英國，到時就可以將英鎊放入銀行戶口啦！呢個做法就係我一直以來都用嘅，不過當然啦呢一個做法就要非常非常小心，可以建議大家用一個信封入住佢放入背囊就比較穩陣啦！
最後都講少少手續費呢個問題，大家可能會諗如果香港轉到英國銀行戶口到底要幾多手續費要付呢？其實都好視乎香港同英鎊嘅匯率，最近英鎊跌得比較厲害，我建議大家可以盡量入多啲，咁到時你要比嘅手續費亦都會相對較低，但正常都係三位數字：二百至三百多元。
知道去英國嘅朋友都會比較擔心呢一個問題，臨去之前一定要搞好呢啲
，希望呢一篇文章可以幫到大家，有咩唔明就喺下面留言啦！
GES熱線 (查詢、諮詢及預約)：
Tel: 3150 6060
Whatsapp: 6390 9020/ 63909026
