【物理治療Physiotherapy | 香港英國澳洲大學DSE入學成績要求】
唔少人都會想讀專科但求一個穩定嘅收入，醫護通常都係大家會考慮嘅行業之一，而物理治療更係近年熱門選擇。香港開辦Physiotherapy物理治療Bachelor Degree主要為香港理工大學，學位唔多，要成功入讀競爭非常大，收生成績要求直逼醫生MEDICINE！同學可以考慮去外國修讀物理治療課程，畢業後就可以喺當地獲得物理治療師執照，再返黎香港執業，仲可以選擇留喺當地，出路比留喺香港更加多。到底DSE成績要有幾多分先有機會入倒物理治療學士？以下係概括嘅香港、英國、澳洲物理治療收生成績要求比較：
香港理工大學物理治療學士BSc (Hons) in Physiotherapy - DSE收生成績要求
2020-2021平均香港中學文憑HKDSE
入學收生分數(任何最佳6科成績)：39.6分
英國物理治療學士 - DSE收生成績要求
平均香港中學文憑HKDSE
入學收生分數(任何最佳3科成績)：554-544
澳洲物理治療學士 - DSE收生成績要求
平均香港中學文憑HKDSE
入學收生分數(任何最佳5科成績)：22-25分
物理治療學士課程 - 英語能力要求
IELTS
英國：7.0分 (細分全部6.5或以上)
澳洲：7.0分 (細分全部7.0或以上)
達唔倒以上要求，DSE唔夠分，就無機會做倒物理治療師？
以上只係一個概括嘅入學要求，就算一時失手，例如IELTS細項未能取得7分，部份大學入學要求比較寬鬆，最低要求只要6.5分，同學仍有入讀的機會。就算真係入唔倒自己心水大學嘅Physiotherapy物理治療學士課程，仲有3個方法可以同大家分享吓：
方法一：同學可以轉向收生要求比較低，但工作性質相近嘅Occupational Therapy同Sport Therapy，如果學士課程中有修讀相關科目，學士畢業後可以選擇升讀Master of Physiotherapy，最後成為物理治療師。
方法二：入讀大學Sport, Exercise and Health Sciences學科，因為與Physiotherapy所修讀的科目相近，有d著名大學會表明同學Sport, Exercise and Health Sciences學士畢業後，可以保證升讀Physiotherapy的碩士課程。以英國University of Brimingham為例，BSc Sport, Exercise and Health Sciences某部份科目會同Physiotherapy嘅學生一齊上堂，派offer俾學生嘅時候都會表明以3年Sport, Exercise and Health Sciences Degree + 1年Master of Physiotherapy的package去取錄學生。
方法三：學生亦可選擇入讀Physiotherapy Foundation即銜接課程，收生要求分數比直入大學低，有部份Foundation更會保證能夠升讀Physiotherapy學士課程。
所以DSE失手唔代表無機會入讀物理治療，詳情可以問GES嘅升學專家👉按我提供基本學歷成績獲取升學建議
澳洲有邊間大學開辦物理治療學士課程？
澳洲有多所院校開辦復康醫療專科課程，包括澳洲八大院校 The University of Sydney、The University of Queensland、Monash University 及其他著名大學如 Curtin University 及 Western Sydney University 等，當中兩間大學Monash University同埋Western Sydney University 入學門檻比較寬鬆，IELTS不需要全部分項得到7.0，所以同學可以根據自己嘅情況選擇唔同嘅院校。大部分醫療專科課程均為四年制，澳洲大學物理治療學科嘅平均收分係DSE 22-25分（視乎大學），而職業治療則係DSE 18-25分（視乎大學）。
英國有邊間大學開辦物理治療學士課程？
英國亦有不同院校開辦復康醫療專科課程，包括多間羅素大學集團成員例如University of Birmingham、Cardiff University、King’s College London、University of Liverpool、University of Nottingham、University of Southampton等。英國醫療專科課程為三年制，當中包括各個理論課程以及不同實習經驗。英國大部份院校都要求學生考取IELTS 7.0 (細分6.5或以上)嘅成績，有啲大學甚至會要求同學考取IELTS全7.0嘅成績。另外英國院校亦好重視同學面試嘅表現，即使成續未必如理想，亦有唔少例子係因為面試表現好而獲得取錄，所以面試做得好，就可以大大提高入讀英國復康醫療課程嘅機會。
資訊只作參考，以個別院校最新公布消息為準，學生及家長報讀前要密切留意相關院校公布的細節。