【DSE海外升學｜DSE學生可以去外國讀邊一年 成績點影響你嘅入學選擇】

😀DSE考得理想嘅你😀

 

成績理想DSE學生英國升學選擇

如果同學係DSE成績考到唔錯嘅成績，恭喜你！你可以考慮直接申請英國嘅大學。英國大學的收生門檻唔低，大部分學校要求同學考到IELTS總分6.0 或以上。排名高嘅大學，好像牛津同埋劍橋大學除左會考量同學課外活動嘅紀錄之外，最重要嘅係要求同學係DSE 3科選修科達level 5（唔包括中文同埋通識），而英國排名30位以內嘅大學普遍都要求3科選修科達一科level 5和兩科level 4（唔包括中文同埋通識），其他排名嘅大學則需要3科選修科達level 4（同樣唔包括中文同埋通識）。

以全英排名第5、全球排名16嘅The University of Edinburgh為例，文學院嘅入學門檻為主科（3333）以及三科選修科達（555）；Biomedical Sciences 同 Medical Sciences嘅課程同樣要求同學在HKDSE中三科選修科得到（555）；而Veterinary Medicine則更需要三科選修科達（5*5*5*）。

屬於羅素集團成員之一、全英排名12嘅Durham University嘅收生分數係（5*55-544）（HKDSE Best 3），又以全英排名22嘅Cardiff University為例，唔同學院嘅收生分數嘅最低門檻又HKDSE Best 5（554-433）（HKDSE Best 3）不等，視乎同學心儀邊個學科。而全英排名25嘅University of Liverpool嘅一般收生分數則係（555-544）（HKDSE Best 3）。

 

成績理想DSE學生澳洲升學選擇

一般黎講澳洲八大收分最低門檻為DSE Best 5 16分（英文科成績需達到4）就好像2022年，The University of Queensland社會科學（Social Science）同埋文學士（Arts）嘅收生分數分別係16分同15分。如果同學有意入讀醫療專科、建築學系或者商學院嘅同學，DSE考到18-25分已經有好多澳洲大學個課程比你選擇㗎啦！

以澳洲排名第一嘅The University of Melbourne為例， 入讀文學士嘅話HKDSE Best 5需要20分；而Biomedicine嘅門檻則高少少，需要Best 5 23分；至於Commerce商學黎講就需要Best 5 22分啦～

又以澳洲八大之一嘅The University of New South Wales為例，Best 6 19 分就達到University of New South Wales飛機工程學士學位課程嘅要求；至於UNSW嘅心理學收生門檻則高一啲，需要DSE Best 5 24分；而對商學有興趣嘅同學，UNSW嘅Commerce同Economics要求嘅分數都係DSE Best 5 22分！

 

成績理想DSE學生美國升學選擇

美國院校的申請比較靈活，成績並唔係唯一嘅要素。但係DSE考到好成績嘅話，恭喜你！如果你嘅成績理想，可以直接考慮入讀4年制大學嘅學士學位。美國大學分州立及私立兩種， 一般為四年制學士學位。

 

成績理想DSE學生加拿大升學選擇

恭喜你！如果你嘅成績理想，可以直接考慮入讀加拿大4年制大學嘅學士學位。報讀加拿大大學嘅時候，學生需要提供中學成績同埋英文成績，入學要求會因應大學、課程同埋科目而有所唔同，一般香港學生如果有意報讀加拿大嘅大學，DSE成績最好達Best 5 20（5個level 4）分，或者A Level中達到3科C級或以上。而英語要求就係TOEFL IBT 85分以上，或者IELTS 6.0以上。不過要注意嘅係加拿大嘅大學唔係單單著重DSE成績，而係會考慮埋同學嘅高中成績從而派出offer，所以學生中四中五嘅成績都好重要架！加拿大值得注意嘅係加拿大嘅商科係需要學生修讀M1，而修讀護理等學科就需要學生修讀生物同埋化學～所以同學要仔細看清楚每一個學科嘅要求啦！

 

---

 

😅DSE考得唔太理想嘅你😅

 

成績唔太理想DSE學生英國升學選擇

如果同學DSE成績未達標，或者係心儀嘅課程收生門檻太高，同學都可以考慮修讀一年制的大學基礎課程（Foundation），完成修讀後再升上大學一年級。大學基礎課程收生要求一般為DSE成績「322-222」（唔包括中文）同埋IELTS 4.5-5.0。

除左大學大學基礎班（foundation），同學都可以考慮報讀文憑班（文憑班又叫做國際一年級課程International Year One）。部分英國嘅大學都有開設，所以DSE畢業生或其他完成中學嘅學生（如A-Level，IB）可以考慮申請。文憑班要求比基礎班foundation高，一般要求DSE best 3成績「433-332」及IELTS 5.0或以上。學生完成文憑班後，可以憑住校內成績升讀聯繫大學的二年班。係英國，University of Leeds、Newcastle University、University of Exeter等大學就設有國際一年級課程。國際一年級課程嘅優勢係同學可以節省一年foundation時間，較快獲得學士學位同畢業，節省時間同埋金錢。

 

成績唔太理想DSE學生澳洲升學選擇

DSE考16分或以下嘅同學唔洗灰心住！因爲係澳洲，你可以根據你嘅DSE成績修讀6-12個月Foundation課程，完成Foundation後有機會可以直接升讀大學year 2！大學基礎班(University Foundation Year)是專為海外生而設的課程，為期四個月至一年半不等，是升澳洲大學嘅途徑之一。大學基礎班適用於本港中五以上畢業生，IELTS要求4.5-5.0，DSE Best 5「22211-22222｜嘅同學可以考慮入讀Foundation。學生一般需根據想讀的學位課程，選擇基礎班的方向，在該學年中讀5-8個相關科目，之後無需再參加公開考試，只要基礎班成績達到要求，即可保證入讀聯繫大學的一年班。

除左大學基礎班（Foundation），同學都可以考慮報讀文憑班（Diploma）。部分澳洲嘅大學都有開設，所以DSE畢業生或其他完成中學嘅學生（如A-Level，IB）可以考慮申請。文憑班要求比基礎班foundation高，一般要求公開試成績及IELTS 5.0-5.5或以上，DSE Best 5 10-13分就可以考慮入讀Diploma。學生完成文憑班後，可以憑住校內成績升讀聯繫大學的二年班。係澳洲，Monash University、Australian National University等頂尖大學都設有文憑班。文憑班課程嘅優勢係同學可以節省一年foundation時間，較快獲得學士學位同畢業，節省時間同埋金錢。

 

成績唔太理想DSE學生美國升學選擇

學生除了可以傳統的SAT入讀四年制大學外， 美國嘅社區學院 （Community College）都係升學嘅熱門途徑！社區學院嘅入學門檻比直接入讀學士課程低，基本嘅入學要求係學生需要完成中六課程或年滿17歲，加上符合學院要求嘅TOEFL 或 IELTS成績，同埋提供經濟能力證明 (最少1年學費及生活費) 就可以架啦！有好多同學都能夠透過完成社區學院課程銜接到美國熱門嘅學校。其中比較受歡迎是以美國社區學院嘅「轉大學課程」(Transfer University Program) ，佢又稱之為「2+2」課程，同學先修讀兩年嘅副學士課程，再申請銜接大學三年級。

 

成績唔太理想DSE學生加拿大升學選擇

學生除了可以傳統的方法直接入讀四年制大學之外，加拿大嘅學院（College）都可以幫你升讀大學！加拿大嘅College 同上面提及過嘅美國社區學院（Community College）制度好相近，係加拿大College修讀爲期兩年（大部分）副學士課程，完成課程後學生可選擇將學分兌換轉入大學嘅三年級繼續完成大學餘下嘅兩年課程！College嘅入學要求較低，報讀College 需要DSE 達到3322 ，中學成績都會係考量嘅因素之一。

 

以上只係一d概括嘅要求，每位學生能力、家庭背景、興趣、強弱項都有所不同，加上不同國家學費、生活費及教育制度等都會影響同學的升學出路選擇，同學家長要先了解不同的選擇，仔細考慮自己的需要而作出升學決定！如果需要更多升學資訊，歡迎提供學歷成績，讓升學專家提供專業意見作參考👉按我提供成績獲取免費升學建議👈

 

以上資訊及收生要求大學只供參考，以相關機構最新公佈為準