英國、美國、澳洲、加拿大 | 留學生入境政策 | 國際學生入境安排及入境要求懶人包
各國對於入境安排，都有唔同嘅政策，小編為大家整合咗唔同熱門升學國家，包括英國，美國，澳洲同加拿大，對於國際學生或者其他入境人士嘅最新要求同安排。
英國入境安排
如果打算前往英國，不論係用咩簽證都好，包括學生簽證，已經完成接種疫苗嘅人士，都唔需要強制隔離，只要接受檢測就可以。如果未完成接種疫苗，就需要喺到達英國前2日接受檢測，並需要喺屋企或居住地方隔離10日。
澳洲入境安排
基本上澳洲疫苗接種率達80%以上城市都從新開放邊境，批出簽證，容許工作者，遊客，學生等，在指定隔離要求下進入澳洲。最近更宣布，所有海外旅客都唔需要出示陰性PCR檢測就可以進入澳洲。有d城市，例如昆士蘭，疫苗接種率達90%，國際旅客及留學生唔洗隔離就可以進入。
美國入境安排
美國唔同城市都有不同防疫政策，基本上，非本地居民，旅客或留學生，必須完成接種疫苗14日後先可以入境，並須要係出發前24小時獲得陰性檢測證明。入境之後3-5日內接受檢測，唔需要強制隔離。而最近因為澳洲疫情嘅大爆發，暫時禁止當地旅客前往美國，同學家長要密切留意最新消息。
加拿大入境安排
國際學生要入境加拿大，必須完成疫苗接種先可以入境，除非你係18歲以下。除此之外仲需要有有效嘅學生簽證，仲要就讀指定嘅學校。就算已經完成疫苗接種，都需要接受14日強制隔離，相對其它熱門升學國家，防疫政策最為嚴謹。
世界衛生組職(World Health Organization) 喺最近一次會議上提出，各國應取消或放寬國際交通禁令，因為依d禁令只會加劇成員國所面臨的經濟和社會壓力，但無帶來任何增益。世衛仲話，在檢測和報告中發現， Omicron 變體後引入後，旅行限制未能阻止Omicron 的國際傳播，所以依d旅遊限制係無效。根據《國際衛生條例》第 40 條，旅行措施（例如戴口罩、檢測、隔離/檢疫和疫苗接種）應基於風險評估，並避免給國際旅行者帶來經濟負擔。
各位打算去唔同國家嘅同學同家長，要適當評估當地疫情為自己帶黎嘅風險，包括當地醫療系統壓力，而決定是否出發前往當地。
以上資訊僅供參考，請以各國政府最新公布消息為準。
Source: WHO, Lucas davies, Jorge alcala, Guillaumem Caleb russell@unplash