去到加拿大，最常搭嘅交通工具就係巴士。但係加拿大嘅巴士同香港好唔同， 全部都係單層巴士同埋有電動巴士載客。呢種巴士遇到最大嘅問題就係一落大雪嘅時候就好容易因為地上積雪太厚或者干擾領到巴士無辦法行駛。
另外，喺加拿大搭巴士有個好特別既文化，就係落巴士嘅時候會同司機講”Thank you” ！就算唔係喺司機旁邊落車，喺後門落都會好大聲咁大叫”Thank you”。雖然呢件事無明文規定，但就體現咗加拿大人嘅禮貌同埋對司機嘅尊重同感謝。溫哥華甚至定咗3月18號為”Transit Driver Appreciation Day”，提醒大家向司機講聲”Thank you”或者一個微笑已經可以令司機感受到對佢嘅感激同愛。
仲有加拿大巴士最唔同之處就係落車嘅時候乘客要自己開門，司機係唔會幫你開架。乘客要喺巴士到站個陣跟住指示”touch here to open door”先落到車！所以下次喺加拿大搭巴士記得落車唔好企喺到等司機幫你開門啦！同埋記得落車個陣同司機講句 ”Thank you”！