【美國升學懶人包｜一文睇清美國學制、大學聯盟、學費生活費、學校地區分怖】

大家都知道美國大學嘅教育水準高，佢地嘅教育水準長期位列世界首位，所以香港有好多學生都希望可以去到美國升學，接受最頂尖嘅中學和大學教育。唔止香港學生會選擇到美國升學，全球數以萬計嘅學生都以美國為留學嘅目的地因為實在有太多知名嘅傳統學府都係位於美國！包括麻省理工學院、耶魯大學、哥倫比亞大學等等。你對美國又有幾多認識呢？GES為你整理左到對美國升學嘅資料，希望裝備一下準備出國嘅你！

 

點解要去美國讀書？

教育，係美國十分重視嘅產業。美國不但學習氣氛自由輕鬆，佢哋嘅學分制都比較有彈性，而且普遍學生嘅學習壓力都比較低。最重要嘅係，美國係匯聚左世界文化嘅地方，去美國讀書，不單能提高學術水平，亦是拓寬視野，見識世界各地文化嘅好機會！美國學校嘅師生關係較為密切，所以老師都能夠給予學生更多嘅關顧與輔導。

工程同埋數理嘅科目好多時都係留學生佢美國升學嘅首選，加上近年黎電腦科技盛行，資訊科技及電腦等學系極受學生追捧。學生在美國亦可選擇一些香港欠奉的獨特學科，如能源學、航天技術等。另外，商科亦深受香港學生喜愛，經濟、工商管理、財務管理、保險投資及風險管理等，都是美國大學的熱門科目。學生除了可以揀商業、金融有關嘅科系之外，仲有其他科目好似哲學、歷史、藝術、文學等可以選擇，可見學生係美國升學嘅話，有更多嘅學科選擇。

 

美國知多D

地理：	美國本土位於北美洲中部，由五十個州和一個聯邦地區組成，總面積超過983萬平方公里
全國人口：	約3億人
重要城市：	美國首都位於華盛頓哥倫比亞特區(Washington D.C.)，最多人口居住的城市依次為：紐約、洛杉磯、芝加哥、休斯頓、鳳凰城。
天氣：	春季：3-5月；夏季：6-8；秋季：9-11月；冬季：12 - 2月

時差：

美國位於北美洲，是世界上最悠久的共和立憲制國家。其東邊係大西洋，西邊就係太平洋，北靠加拿大，南接墨西哥及墨西哥灣，首都就係大家成日聽嘅華盛頓啦！

美國係由50個州同埋1個聯邦直轄特區組成。國土面積超過962萬平方公里。美國人口約3億人，人口嘅數量為世界第三。你知唔知美國國旗上的50粒白色星星係代表啲咩呢？就係代表美國50個州啦！而國旗上紅色同埋白色橫條各有7及6條，總共13條，就係紀念最初嘅13個州。今時今日美國係全世界的經濟、政治、軍事等多個領域都有住舉足輕重嘅影響力，被視為超級大國。

 

美國有幾多海外留學生？

喺2019至2020學年，美國有多達1,000,000嘅留學生選擇喺美國留學同埋升學，其中以中國大陸同埋印度為美國國際留學生嘅最大來源地。大多數國際學生都係讀科學、技術、數學同埋工程(STEM)等嘅學科。雖然喺疫情之下留學生嘅人數下滑，但係如果你有去美國升學嘅打算，依家就要開始計劃㗎啦！

 

美國學制同香港有咩分別？美國升學途徑係點？

美國嘅小學同埋中學合共要讀12年，同香港學制相近，學生係完成6年小學、6年中學之後，高中畢業生可以升讀由大學嘅四年制本科課程，又或者報讀社區學院嘅兩年制副學士課程。完成兩年嘅副學士課程後，有機會可直升上大學三年級。

如果有意直接升讀大學嘅話，中六學歷或以上嘅學生可以直接申請報讀美國嘅大學。一般學校要求學生提交SAT和TOEFL成績。另外，中六學生亦可以申請同大學合辦嘅大學銜接課程，完成課程後通過考試，就可以獲得合辦大學嘅錄取。銜接課程令到學生能夠順利融入當地文化同埋學術環境，都係可以考慮嘅升學途徑之一。

如果想節省美國嘅升學費用，都可以通過美國社區學院課程呢個途徑入讀美國大學。社區學院嘅學費較一般美國大學便宜，仲受到廣泛認可，有啲社區學院可以幫學生對接上優秀嘅大學。學生入讀1-2年後得到社區大學文憑，再申讀入讀美國大學2或3年級，最後取得美國大學學士學位證書架！

如果你係想去美國完成高中學業嘅學生，都可以選擇入讀美國寄宿中學，係私立高中得到美國高中文憑，再用IB成績申請美國大學嘅學士學位課程！聽落好複雜？唔緊要！GES為你用兩幅圖整合左美國嘅升學途徑：

 

美國大學地點分佈圖

（點擊放大）

美國有邊D出名嘅大學？

美國實在有太多大學！好多大學嘅名相信你都有聽過！但你又知唔知佢地座落係邊個城市入邊？

著名大學	座落城市	世界排名#
Massachusetts Institute of Technology (MIT)	Cambridge	1
Stanford University	Stanford	3
Harvard University	Cambridge	5
California Institute of Technology (Caltech)	Pasadena	6
University of Chicago	Chicago	10
University of Pennsylvania	Philadelphia	13
Yale University	New Haven	14
Columbia University	New York	19
Princeton University	Princeton	20
Cornell University	Ithaca	21

#QS Top Universities 2022

美國大學聯盟

長春藤聯盟（Ivy League）

成立於1954年，當時由美國東北部8間大學組成的體育賽事聯盟，共同的特點是美國歷史悠久的名校，包括：

Brown University / Columbia University / Cornell University / Dartmouth College / Harvard University / University of Pennsylvania / Princeton University / Yale University

 

喺美國留學可以點樣申請永居？

你係咪都有諗過喺美國留學之後，係畢業之後留喺美國工作？咁究竟留學移民有咩要注意呢？點樣先可以得到美國嘅永久居民身份(綠卡)呢？移民美國主要有四大個途徑，分別係技術移民、投資移民、親屬移民同埋抽籤移民。留學生主要係靠技術移民呢個途徑得到綠卡。要注意嘅係你喺美國留學並不代表一定可以攞到綠卡，如果畢業之後有僱主聘請嘅話就可以根據自己嘅學科同埋專業申請臨時工作簽證，一邊工作，一邊申請綠卡啦！

 

美國留學預算：美元 (學費以一年計算)

係海外升學國家中，美國升學費用適中，但要注意嘅係唔同學校學費嘅差別非常大。美國由中學到大專院校都分為公立同埋私立兩種：全國有超過30,000間中學（公、私立）；而高等院校方面，近1,700間係公立高等院校，2,480多間係私立大學。

課程費用

大學基礎課程 / 文憑課程       約 $17,000 – 25,000

學士課程            約 $15,000 – 35,000

碩士課程            約 $15,000 – 50,000

住宿費用            約 $3,000 – 8,000

大學宿舍            約 $3,000 – 8,000

生活費用

約每星期$500 – 800雜費及交通費

*以上價錢只供參考，學費以院校公佈為準。

 

香港去美國有幾遠？

如果你想知由香港飛去美國需要幾耐，咁就要視乎你去美國邊度啦！平均黎講，由香港直接飛往美國需時14小時55分鐘，如果需要轉機時間就要預留多少少時間啦！至於時差方面，由於美國橫跨幾個時區，所以唔同地方會同香港有唔同嘅時差！以位於美國東部的紐約為例，香港比紐約快13個鐘；而以洛杉磯為例，佢係位於太平洋標準時間時區，同香港嘅時差只有8個鐘！

 

GES 服務範圍：

• 職業教育及培訓課程 (Vocational Education and Training)
• 英語課程 (English Language Intensive Courses for Overseas Students)
• 大學基礎課程 (Foundation)
• 文憑課程 (Diploma)
• 大學
• 碩士基礎課程 (Pre-Master Programme)
• 中學、碩士或其他查詢可直接聯絡本升學中心