【加拿大升學懶人包｜一文睇清加拿大學制、著名大學、學費生活費、學校地區分怖】

加拿大一直係好多香港人喜歡旅行、留學甚至移民嘅地方。近年越來越多香港人選擇到加拿大先讀書後移民，出發前除左要考慮加拿大係唔係真係適合自己同埋報讀心儀嘅課程外，最重要嘅就係了解更多當地嘅資料，在出發前做好功課，迎接新生活！最近加拿大更放寬了移民政策，香港人可以透過Hong Kong Pathways更容易得到加拿大嘅工作簽證，申請永久居留權！係呢度 GES就為大家整理左到加拿大讀書嘅須知，等大家了解多啲呢個熱門嘅升學地點！

 

點解要去加拿大讀書？

加拿大環境優美，有著良好的生活質素，最重要嘅係加拿大嘅教育系統十分完善，仲有大量嘅資源投放係教育上。所以一直來都是很多人理想嘅定居國家，每年都有數以萬計嘅學生到加拿大升學進修，包括升讀碩士 、學士或者係其他課程。加拿大嘅課程十分多元化，能夠畀有住唔同興趣、唔同志向嘅學生選擇適合佢地嘅科目。除左一啲比較大路嘅課程之外，加拿大嘅學校都有開設一啲專門的課程供學生選擇。金融投資、生物工程及風險管理都係一啲熱門嘅科目。

加拿大知多D

地理： 加拿大是北美洲最北的一個國家，由十個省和三個地區組成，總面積超過998萬平方公里

全國人口： 約3600萬人

重要城市： 加拿大首都位於渥太華(Ottawa)，最多人口居住的城市依次為：安大略省(Ontario) 的多倫多(Toronto)、魁北克省(Quebec) 的蒙特利爾(Montreal)、亞伯達省(Alberta) 的卡加利(Calgary)、安大略省的渥太華(Ottawa)、亞伯達省(Alberta) 的艾德蒙頓(Edmonton)。

天氣： 春季：3-5月；夏季：6-8；秋季：9-11月；冬季：12-2月

時差：

講起加拿大你會想起啲咩？係楓葉？定係尼加拉瀑布(Niagara Falls)? 其實仲有好多你未必知道嘅野！等GES講多啲俾你聽啦！加拿大位於北美洲，同時都係北美洲最北部嘅國家，其西邊係太平洋，東邊就係大西洋，上邊就係北冰洋，所以可能你都有聽過係加拿大嘅黃刀鎮Yellowknife係可以見到北極光，仲要係一年有超過240日都可以見到…. (好羨慕TT) 加拿大係全球第二大嘅國家，領土面積多達998萬平方公里架！加拿大由十個省同埋三個地區組成，英文同埋法文都係佢地嘅官方語言，點解？唔講唔知，魁北克省（Quebec）係加拿大嘅法語區，而整個加拿大裡面有超過兩成人係以法語為第一語言。不過唔洗擔心，即使唔識法文都完全無問題！

有著高水平嘅生活品質、富裕嘅社會環境同埋發達嘅科技水平，今時今日嘅加拿大已經發展成一個經濟及教育大國，佢曾經被評選為「全球教育品質最佳國家」嘅第一名，仲係全球最佳嘅留學國家！2021年加拿大更成為左「2021 年全球最佳國家」，絕對證明左不論生活質量，定係各方面嘅政策，加拿大都表現出色，係一個非常適合個人發展同埋生活嘅國家。除此之外，加拿大長期列位於世界十大最安全的國家之一， 令隻身來到異地嘅學生可以安心係加拿大求學 。

 

加拿大有幾多海外留學生？

加拿大係世界上第三大嘅留學目的地，係2019年國際留學生嘅人數多達64萬！當中以印度及中國佔留學生總數嘅一半。安大略省（Ontario）就係接收左最多、近半數留學生嘅省份。雖然係加拿大求學嘅國際學生比起美國同埋英國嘅學生少，但係每年加拿大嘅國際留學生人數都不斷上升。如果你有去加拿大升學嘅打算，依家就要開始計劃㗎啦！

 

加拿大學制及升學途徑

加拿大嘅小學同埋中學合共要讀12年，同香港學制相近（除左卑詩省British Columbia採用7年小學5年中學呢個模式之外）。想要升讀加拿大嘅大學，主要有三個途徑：

 

第一，你可以到當地嘅高中讀最後一年嘅課程，畢業後就可以報讀加拿大嘅大學。

第二，你都可以考慮報讀專上學院，或社區學院修讀專業證書及文憑課程，一般為期一至兩年; 如果你有意報讀學士學位，就可以用讀過嘅學分報讀當地大學，仲可以申請學分豁免！學校屆時會視乎學生的成績同埋同課程相關嘅程度轉換學分，幫助學生銜接入讀大學二年級或者三年級。

除左上面講過嘅專上學院同埋社區學院，同學仲可以報讀由大學直屬學院提供的銜接課程University Transfer Program（UTP）。UTP就好像英國及澳洲嘅Foundation，課程分成階段一（UTP I）和階段二（UTP II）。 UTP II等同於大學一年級，只要修畢所需學分，GPA達標就有機會銜接到該聯繫大學的二年級課程架啦！

 

加拿大大學分佈圖

（點擊放大）

 

加拿大有邊D出名嘅大學？你心儀的加拿大大學位於邊個城市？

太多大學覺得花多眼亂？唔緊要！GES幫你整理了加拿大排名前十嘅大學同埋佢地嘅所在地！加拿大有三間大學都位列於世界百大大學之內，包括多倫多大學 University of Toronto、麥基爾大學 McGill University同埋英屬哥倫比亞大學 University of British Columbia，每年都吸引好多知名嘅學者慕名而來架！

著名大學	座落城市	世界排名#
University of Toronto	Toronto	26
McGill University	Montreal	27
University of British Columbia	Vancouver	46
Universite de Montreal	Montreal	111
University of Alberta	Edmonton	126
McMaster University	Hamilton	140
University of Waterloo	London	170
Western University	London	170
University of Ottawa	Ottawa	230
University of Calgary	Calgary	235

#QS Top Universities 2022

 

加拿大學費貴唔貴？一年學費同生活費大概幾多？

加元 (學費以一年計算)

課程費用

大學基礎課程 / 文憑課程       約 $13,000 – 18,000

學士課程          約 $15,000 – 30,000

碩士課程            約 $22,000 – 50,000

住宿費用           約 $5,000 – 10,000

大學宿舍            約 $5,000 – 811,000

 

生活費用

約每星期$300-500雜費及交通費

*以上價錢只供參考，學費以院校公佈為準。

 

 

香港去加拿大有幾遠？

平均黎講，由香港直接飛往加拿大需時約12小時，如果需要轉機就需要18個小時左右啦！至於時差方面，由於加拿大橫跨6個時區，所以唔同地方會同香港有唔同嘅時差！以多倫多（Toronto）、蒙特利爾（Montreal）同埋渥太華（Ottawa）呢幾個地方來講，佢地比香港時間慢13小時（夏天會快一小時），而溫哥華（Vancouver）比香港慢16小時（同樣地夏天會快一小時）咁多架！

 

GES 服務範圍：

• 職業教育及培訓課程 (Vocational Education and Training)

• 英語課程 (English Language Intensive Courses for Overseas Students)

• 大學基礎課程 (Foundation)

• 文憑課程 (Diploma)

• 大學

• 碩士基礎課程 (Pre-Master Programme)

• 中學、碩士或其他查詢可直接聯絡本升學中心