大家對聖誕節嘅印象，都應該係冰凍的冬天
～若想體驗一個熱辣辣嘅聖誕節，就當然要去澳洲。但澳洲夏天咁熱，都無咩聖誕節嘅氣氛既！？
非也～澳洲人都好重視聖誕節架，就好似我哋咁重視農曆新年一樣。
澳洲係一個熱愛水上運動嘅國家，一到夏天，海邊通常比購物中心仲要迫人
；所以對於澳洲人嚟講，沙灘
、游水
同滑浪
絕對係歡度夏天聖誕節嘅首選
。澳洲嘅聖誕節，唔再會見到有大褸同UGG，而係著背心短褲人字拖係沙灘慶祝。由11月中開始，基乎每個市中心都會彌漫著聖誕節嘅氣氛，就連巴士上都掛滿聖誕裝飾、巴士司機亦都會戴上聖誕帽，好溫馨！聖誕大餐亦因天氣變成最典型嘅海邊野餐或者BBQ
。
而係Sydney仲有一種獨特嘅慶祝方式，就係The Lights of Christmas喇
！Lights of Christmas以強大的投影技巧及幻美的投影像照亮St Mary’s Cathedral
嘅外牆，將莊嚴神聖嘅教堂搖身一變成為溫馨歡樂嘅教堂，仲有現場奏音樂添
。快啲約埋一大班朋友同家人齊齊過一個非一般的聖誕啦！