又到咗一年一度全球最矚目嘅Chelsea Flower Show花卉展覽啦。Chelsea Flower Show喺全球最大型花展之一，源於1862年，由英國皇家園藝學會（The Royal Horticultural Society）主辦為期5日的花卉展覽，地點就喺Kensington 嘅皇家園藝協會花園。但由1912年開始，就移師到倫敦西部嘅Chelsea 地區舉行，並正式名為Chelsea Flower Show。
話明係全球最矚目，嚟賞花嘅當然唔少得有英國皇室成員，而英女皇
亦都係花展嘅常客，仲有各界嘅知名人士都會受邀請出席，隆重程度簡直有「花界奧斯卡」嘅美譽
！
賞花喺英國貴族必做嘅重要社交活動，但可惜公眾就無緣目睹佢哋啦～因為通常係花展正式開放前一日，都會提前邀請英女皇與皇室成員先去參觀，仲會舉辦開幕酒會；之後頭兩日嘅展覽，只限英國皇家園藝學會嘅會員入場；到咗最後兩日，至會開放比一般觀眾架
。
除咗花卉展品
、園藝用品的攤位外，展覽亦設有9款園藝佈置示範
，由73家園藝公司精心製造不同主題花園比觀眾欣賞。今年的花展將由5月22至26日舉行。喺英國讀緊書嘅同學，又多一個新地方可以去打卡做文青啦
～