【點先可以做機師？做飛機師的4個要求】
衝上雲霄電視劇相信有好多人都有睇過，機師俾人嘅形象往往都係人工高、福利好，最緊要嘅係…套制服超級有型！！！着住套制服，炫耀住膊頭上嘅四條柴，再帶上一副墨鏡，人都醒神啲！個個都想衝上雲霄，咁究竟係咪人人都可以有資格衝上雲霄呢？今次GES就同大家講吓做機師嘅基本要求，同埋機師嘅晉升階梯啦！
國際航空運輸協會(IATA)估計，未來二十年全球客機班次將會增加一倍，令航空公司對機師的需求大增。美國波音公司預計，到2037年，航空業需要79萬名新機師。不過就有航空公司指出，機師年齡和經驗方面出現嚴重斷層，所以……機會黎啦！依家就係有著飛行夢嘅你一展所長嘅時候啦！
點樣先做到飛機師？做機師要有咩基本要求？
要知道點樣先做到機師之前，我地先要理解一下有邊幾類嘅飛行執照。飛行執照大致分為入門級別的休閒飛行執照Recreational Pilot Licence（RPL）、進階的私人機師執照Private Pilot Licence（PPL）、民航機師所需要的商業機師執照Commercial Pilot Licence（CPL）及民營運輸機機師執照Airline Transport Pilot Licence（ATPL）。
RPL係學飛嘅第一步，係得到呢個執照之前，學員會學識如何操作飛機、理解飛行基本嘅原理同埋航空條例等等。而PPL就會訓練飛行員能夠駕駛一架載有5人嘅小型飛機，學習點樣規劃航空路線。而要成為真正的民航機師，就需要持有CPL。但係持有CPL都唔代表你可以立即成為民航機師架！因為考取到CPL都唔代表有足夠嘅飛行經驗。一般持牌者考獲CPL後，累計飛行時數只有大概150至200小時，所以有機會需要「補鐘」先可以累積飛行時數，達到航空公司要求的門檻架！GES搜集左幾個對飛機師的疑問，逐一解開你嘅疑惑！
要求1：機師視力
即使戴眼鏡亦可報考，只要視力達機師標準便可接受。
要求2：機師體檢
以香港專業飛行員協會及香港飛行訓練中心為例，係開始任何飛行訓練之前需取得歐洲民航局二級醫療證書。
要求3：機師年齡限制
只要是18歲以上都可以修讀飛行課程，年齡無上限，只要你定期通過航空身體檢查就可以！
要求4：機師學歷
以香港專業飛行員協會為例，修讀考取民航機師牌的課程需要完成中學或高中教育，並通過DSE / GCSE 或同等學歷，還要求學員流利的英語口語同埋書面表達。
做機師人工有幾多？
機師起薪點的確比一般嘅工種高，初入職機師每月收入4萬港元以上，而且有清晰嘅晉升階梯。民航機師嘅職級一般分為五級，一入職嘅時候擔任二副機長，然後就係初級副機長、副機長、高級副機長，最後最高級嘅就係機長，人工月薪高達20萬港元以上。
投考機師最少經過7個甄選過程，包括視力評估、首輪面試、筆試、能力傾向測驗、領導才能評估、次輪面試，以及品格審查和體檢。所以話，要成為機師係要付出好多好多努力同埋時間架～
香港飛機師入職要求
| 國泰 | 飛行服務隊 | |
| 申請人: | / | 香港永久居民 |
| 年齡: | 須年滿18歲 | / |
| 身高: | 須身高1.6米或以上 | / |
| 語言能力 | 能操寫流利英語 | 有良好溝通能力，包括英語會話及書寫能力 |
| 學歷要求 | 中學會考5科合格包括數學、物理
高級程度會考 2 科合格或海外獲取同等學歷或大學頒發的學位 |
DSE五科包括英文、數學科考獲第3級或以上或
高級程度會考 2科E級或以上；會考3科包括英文、數學科C級或以上 |
| 健康要求 | 須體格良好 | 有良好視力 |
| 其他 | 有團隊精神、服從紀律及願意輪班工作 |
考機師嘅過程絕對唔容易，但機會係要由你自己去把握架，話唔定你就係下一個Captain Cool～ 所以心動不如行動，立即聯絡我地嘅升學專家，了解更多有關嘅資訊，等我地為你提供升學建議啦！
63909020