【留學生生活日常大比拼 - 超級市場 及 便利店篇】
近年唔少人都打算去外國留學，順道為日後移民或移居作打算。要到外國留學，代表要在當地生活一段時間，少則數月，長則一年半載。同去當地旅行不一樣，並不能夠單靠依賴在原居地購買的物品帶到當地去生活，留學生要懂得在當地覓得生活所需。
就等GES簡單介紹一吓不同熱門留學國家：英國，澳洲，加拿大，同埋台灣，購買生活用品跟香港的分別，分析購買香港人常用物品的簡易程度，還有各地購買生活日常用品及所需品的地方及商店。
英國超級市場及便利店
跟香港不一樣，英國的便利店相對較少，香港人常去，總有一間喺左近的7-11並不像香港般隨處可見。當地人或留學生通常會去大型超級市場一次過購買日常所需。以下是5間當地人常去購物的英國超級市場/便利店：
- Tesco
- Sainsbury’s
- Lidl
- Marks Spenser
- Waitrose
香港人出外用餐很常見，但英國的餐廳普遍價格較高，留學生生活費不多的情況下，通常都是自己準備日常早午晚3餐。以上超級市場都可以買到大部份食材，而且不乏新鮮食品，如上圖是英國TESCO的超級市場貨架，單是蔬果類別就獨佔幾個貨架，所以打算去英國留學、或者送子女去英國讀書的你，不需要擔心買不到新鮮食材。英國的超級市場貨品種類跟香港相約，甚致有過之而無不及。順帶一題，英國的牛奶比香港便宜不少，留學生跟小編笑稱：英國的牛奶平過水！
除此之外，英國及澳洲當地仲有一系列專賣華人商品的超級市場，當地人或留學生統稱為 - 中超。同學去到英國，如果掛住香港美食，自己想煮返香港嘅味道，你就一定要去依一類中超尋寶！亞洲菜式有一大堆獨特的食材及調味料，普通英國超級市場買不到的材料，你都有機會喺中超搵得倒，助你一解思鄉之愁~
英國超級市場 - TESCO
澳洲超級市場及便利店
澳洲都係以大型超級市場為主，便利店同英國一樣，不太常見。要買生活所需品，澳洲人或當地留學生都推薦以下5間超級市場或便利店：
- Woolworths
- Coles
- ALDI
- IGA
- 7 Eleven
提起澳洲超級市場，大部分澳洲留學生都第一時間提起Woolwroths同Coles，地位就好似講起香港超級市場會諗起百佳同惠康一樣，加上Woolworths同Coles喺當地都有網上購物服務，當地人購買生活所需都離不開Woolworths及Coles。
澳洲4面環海，加上盛產蔬菜、水果，所以澳洲超市的新鮮食品絕不或缺，包括其中一樣香港人最愛的海鮮，都可以喺超級市場輕鬆找到。而且，因地理位置，不需像香港要靠空運輸入水果及海鮮，扣除空運的時間及運費，價格比香港便宜上很多，而且更新鮮！留學生向小編推薦必要品嘗當地的士多啤梨，她說那是她遇過最巨型的士多啤梨！還有澳洲的奶類產品都比香港便宜，包括芝士等等，留學生表示到當地才發現原來可以把芝士當作零食。
除咗日常生活用品，連澳洲的手信都可以喺以上提及的超級市場搵得倒。其中一樣港人最愛Lucas Papaw Ointment 澳洲木瓜霜都可以喺Woolworths依d地方搵倒。另外，澳洲留學生仲同小編大推Allens’s軟糖，價格便宜，便於攜帶，她每次回港都會買一大堆當作手信，而且深受香港的朋友歡迎！
加拿大超級市場及便利店
加拿大的超級市場超級多，以下係加拿大留學生向小編分享她常去購買生活所需品的超級市場及便利店：
- 大統華T&T Supermarket
- Real Canadian Superstore
- Sobeys
- Whole Foods Market
- 7 Eleven
在加拿大生活的華人為數不少，所以當地都的華人超市都遍佈加拿大各地。加拿大大統華超級市場同上面提及的中超類似，主要售賣華人商品，而且規模唔細，有時仲會搵倒已經喺香港超市消失的品牌，仲有有別於外國人的麵包種類，屬於香港人的味道軟軟的麵包，甚致會發現菠蘿包的蹤影！
另外，向來著重work life balance，好有life style嘅加拿大都有同小編推薦一間專有機商品的超級市場 - Whole Foods Market。店內嘅商品大部分都係無添加，崇尚自然有機，而且來源自加拿大本土。要感受滿滿的加拿大味道，同學不妨去拜訪吓Whole Foods Market依間地道加拿大超級市場。
台灣超級市場及便利店
最後就係離香港最近嘅熱門留學地點台灣。台灣本身的文化、生活習慣都與香港極之相近，要喺當地超級市場或便利商店搵倒自己用開的品牌都相對英國、澳洲及加拿大容易。台灣人或者當地留學生常逛的超級市場或便利店如下：
- 7-11
- 頂好Wellcome
- 全家
- 萊爾富
- Costco
台灣的便利店遍布各地，當地人稱便便店為”超商”，超商的密集程度超高，比香港還要高，一條街可以發現幾間，轉角又有一間，比香港有過之而無不及。加上，台灣的便利店店員一兼多職，除了熟食，還有貼心的”叮叮”微波爐服務，餐桌、椅子、廁所、收速遞，甚致叫車服務都有，照顧哂當地人所需。超商對喺台灣生活的學生非常重要，不可或缺。
總括而言，香港學生要去唔同英國、澳洲、加拿大及台灣生活，都唔難搵返香港日常生活必需品。如果真係唔習慣當地品牌，可能行遠少少，去當地華人超市或便利店，都唔難搵倒自己所需，家長同同學可以放心啦~
63909020