【留學生生活日常大比拼 - 大學早餐篇】

 

一日之計在於晨，一個好嘅早餐可以令你有一個好心情應付一整天嘅校園生活。喺香港，中學生通常都會同屋企人同住，唔少家庭都會幫小朋友準備好早餐，學生返學前唔需要煩惱早餐吃甚麼，預留時間準備早餐等等；但是隻身到外國留學，如果不是居住在寄宿家庭 (home stay)，有家中監護人為你打點一切，準備早餐，學生就要自己準備早餐或者選擇在外購買。

 

今次我哋就帶大家去睇吓唔同熱門留學國家：英國，澳洲，加拿大，台灣，到底早餐有咩選擇，當地留學生又為自己準備咗d咩早餐啦！

 

 

英國大學早餐

留學生未有自己賺錢的能力，食野方便都以經濟為主。英國外出用餐的費用相對香港高昂，學生大多自己準備早餐。

 

小編問英國嘅同學，英國的早餐係咪真係會食All day breakfast，同學回覆小編：當然啦！英式的all day breakfast烹煮方便，食材容易購買及儲存，而且熱量充足，係懶人首選。

 

當然身處外地，都會有思鄉嘅時候，英式早餐都會食到悶。英國嘅同學就自己煮咗港式All day breakfast - 火腿通粉，多士同埋煎雙蛋 (下圖就係佢自己煮嘅早餐啦！) 食材都容易取得，同學可以一解思鄉之愁。

 

 

 

澳洲大學早餐

澳洲人的早餐都離不開三文治類，搭配一杯令人醒神嘅咖啡。澳洲留學生表示，佢都係去到當地先養成飲咖啡嘅習慣，發現咖啡對自己生命有幾咁重要。

 

不過佢自己都係deadline fighter，成日都訓到最後一刻先起身，缺乏為自己準備豐盛早餐嘅時間。居住地點離校園有一段距離，要駕車前往，為求自己有足夠嘅精神駕車，除咗咖啡，都要先吃少量食物。此時，平日於超級市場購得的即食罐頭就會成為佢嘅早餐。以下就係佢同小編分享嘅即食罐頭早餐…賣相不太好看

 

 

加拿大大學早餐

加拿大的華人比例非常高，唔少華人甚致港人移民到當地，要搵倒華人餐館並不困難，而且非常地道。移民當地嘅人包括一班從前香港的老師傅，食物水平非常之高，甚致可能搵得倒喺香港失落咗嘅味道。加拿大大學的餐單都會見倒港式食品 - 菠蘿包！以下係加拿大留學生同小編分享嘅早餐菠蘿包，佢仲同小編表示個包比香港食倒嘅仲好食，包皮非常之脆，亦無香港麵包常常為人詬病的”空氣包”問題。

 

 

台灣大學早餐

台灣賣早餐的地方好多，當地人統稱為早餐店。種類非常繁多，口味亦非常貼近香港，價格亦相宜，所以普遍留學生都傾向於外出購買早餐。麵包類的不用說，蛋餅、飯團等都係即叫即整，非常新鮮，賣相吸引，熱量充足，應付半天的課堂絕對不是問題！

 

台灣留學生還向小編推薦咸豆漿，香港的豆漿通常都係甜的，直接拿來喝。而咸豆漿並不是甜的，顧名思義，是咸的，搭配著剪碎了的油條放在碗內用湯匙”食用”，別有一番體會。

總括而言，除咗台灣，英國、澳洲及加拿大都係自己準備早餐居多，所以有意到當地嘅同學，要好好學習吓自己煮野食啦~