要講到英國嘅經典食物,除咗Fish & Chips 之外,就一定有呢個Sunday Roast.

Sunday Roast 顧名思義就係 “星期日烤肉”。感覺就好似習慣咗星期日一家大細會係茶樓飲茶。而係英國就流行星期日食呢個傳統菜色Sunday Roast。

呢份Sunday Roast主要有烤肉同蔬菜 (烤薯仔、紅蘿蔔等)。仲會有Sunday Roast 另一主角之一嘅Yorkshire Pudding. 大家唔好比個名呃到,其實佢唔係甜品嗰種布丁🍮,而係由雞蛋奶油麵粉烤出黎,個樣有啲似泡芙,食落去軟腍腍。加埋啲濃郁嘅烤肉汁一齊食,簡直絕配👍🏼!

相傳喺中古世紀時期,英國身為基督教國家,傳統每個星期日都有Sunday Church嘅活動,而Sunday Roast好自然咁成為咗Sunday Church 之後嘅大餐啦。到咗依家,英國嘅大大小小酒吧或餐廳都依然會貫徹呢個星期日嘅傳統,推出限定菜單Sunday Roast架🤗

下次去到英國記得要去食啊😋!