我的志願係做醫生？因為想拯救生命？人醫科入學要求非常高，同學要有足夠嘅分數入讀並唔容易，如果想拯救生命，做醫生唔係唯一選擇，修讀Biomedical Science同Pharmaceutical Science都可以做得倒！我哋同你簡單介紹依兩個學科同醫生有咩分別，Biomed同Pharmaceutical入學要求，畢業後出路，回港認證等等。如果同學都真係好想入讀醫科，但DSE成績唔足夠一take過入醫科，可以點做？選擇修讀Biomedical Science及Pharmaceutical Science，然後以學分轉換嘅方式銜接醫科課程。

 

Biomedical Science 生物醫學

 

Biomedical Science係讀d咩？同醫科有咩唔同？

Biomedic學生嘅學習領域結合生物學同化學方面的專業知識。以University of Hertfordshire嘅Biomedical Science為例，學習範圍包括生物化學、輸血、細胞學、遺傳學、血液學、組織病理學、免疫學和微生物學等，分析有關疾病和研究不同的治療方案，通過生物科學培養學生嘅研究技能。換句話說，除了臨床上嘅研習，你將會同醫科生一樣，真正學會如何拯救生命。

 

Biomedical Science入學要求？

每間大學收生準則都略有不同，以University of Hertfordshire為例，要入讀學位課程 (Bachelor Degree) 一年級，Biomedical Science入學要求為：

1) HKDSE最佳3科成績達最低要求443，而Chemistry 化學同Biology生物係必修科，兩科都要有4；及

2) 英文雅思(IELTS)總分6.0，分項不可低於5.5。

 

Biomedical學生畢業出路？回港認證？

Biomedical Sciences嘅畢業生出路其實都唔少，畢業學生可以選擇繼續升學，可以升讀醫科、獸醫、物理治療、職業治療等專業學科，當中某d碩士課程，就只有持有Biomed Degree嘅學生可以入讀，例如MSc Cancer Immunotherapy研習點利用人體自身免疫系統治療癌症，進一步學習點樣拯救生命，所以話做醫生並唔係唯一可以救人嘅途徑。

選擇就業的話，可以做實驗室助理、醫療器材及藥物管理人員、藥物銷售人員、法證人員、大學講師等等。

如果你打算畢業後返黎香港做野的話，就要修讀有IBMS (Institute of Biomedical Science醫事生化科學學會)認證嘅課程，依個係要英國拎倒牌嘅必要條件，同埋係香港經香港醫務化驗師管理委員會註冊成為醫務化驗師其中一樣重要條件。英國就算係名牌大學，都未必有IBMS認證，同學要留意個別課程的認證。University of Hertfordshire就係其中一間有提供IBMS認證課程嘅大學。

 

 

Pharmaceutical Science 藥物科學

Pharmaceutical Science係讀d咩？

Pharmaceutical Science同Pharmacy並唔一樣，Pharmaceutical Science係製藥，Pharmacy係藥劑。Pharmaceutical Science專注喺學習實驗技術，掌握強大的數據和分析工具，探索人類生理學和生物學、生物學和生物化學、藥物化學和分析化學的基礎知識，了解如何製造藥物、藥物如何在體內發揮作用以及如何確保藥物安全。 並研究藥物如何從實驗室轉化為臨床，並專注於藥物設計或配方開發。

 

Pharmaceutical Science入學要求？

每間大學收生準則都略有不同，以University of Hertfordshire為例，要入讀學位課程 (Bachelor Degree)一年級，Pharmaceutical Science入學要求為：

1) HKDSE最佳3科成績達最低要求444，而Chemistry 化學同Biology生物係必修科，兩科都要有4；及

2) 英文雅思(IELTS)總分6.0，分項不可低於5.5。

 

Pharmaceutical Science畢業出路？回港認證？

Pharmaceutical有實習經驗好重要，要有實習時數先可以係英國註冊，註冊咗先可以喺香港拎牌。海外畢業生要回港執業，目前有兩項要求：(i)在修讀藥劑學的國家完成認可的學位課程，並已正式取得註冊藥劑師資格，及(ii)通過由香港藥劑業及毒藥管理局每年舉行兩次的藥劑師註冊考試的三張筆試卷。因此，同學應該要選擇有具實習時數 (placement year)嘅大學課程，畢業後就可以立即註冊並就業。

 

 

University of Hertfordshire

BSc (Hons) Biomedical Science 及 BSc (Hons) Pharmaceutical Science

點解要揀University of Hertfordshire？課程特別之處及課程特色？

唔少到外國讀書的同學都有留喺當地發展並移民嘅打算，實習經驗對於打算日後當係英國從事相關工作，係當地拎牌，同埋返香港拎牌嘅biomed同pharmaceutical學生好重要。因此，選擇一間有提供當地實習機會，累積當地工作經驗變得更為重要。

除咗頭先提及BSc (Hons) Biomedical Science課程係IBMS Accredited對當地考牌就業非常重要外，BSc (Hons) Biomedical Science同BSc (Hons) Pharmaceutical Science課程結構同樣係3年 + 1年實習，提供三明治課程 (Sandwich degree)嘅學習方式，同學可以喺第二年同第三年之間進行一年嘅實習，用實習經驗轉換成學分，實習年間同學唔需要交學費。

University of Hertfordshire會幫學生搵實習，Biomed嘅學生可以選擇直接喺University of Hertfordshire入面實習當中。除此之外，實習機會仲包括唔少香港人都認識著名製藥、生物以及衛生保健公司gsk，仲有隸屬於英國衛生部嘅國民保健署 (National Health Service)，能夠喺全球最大嘅單一保險人制度醫療體系入面實習，依d機會非常難得，對日後搵工有好大幫助。

University of Hertfordshire喺建構Biomed同Pharmaceutical課程時有同當地各大機構合作及諮詢，並定期作出評核，從而令課程更貼近當地企業嘅實際需要及最新行內資訊，加埋實習學年placement year，畢業生嘅工作能力比起其他學校畢業生更有優勢，大大提升學生畢業後在當地工作的競爭能力！

 

Biomed及Pharmaceutical學生喺University of Hertfordshire學習環境係點？

BSc (Hons) Biomedical Science及BSc (Hons) Pharmaceutical Science學士課程嘅主校區係College Lane。同學會同未來的護士、科學家、藝術家等共享校園，使用公共休息室與朋友一齊放鬆及交流，喺 24 小時健身房鍛煉或者校園酒吧或咖啡館小酌一杯。大學都有餐廳供應美食。學習資源中心 24/7 全天候開放，意味著學生可以喺最適合自己嘅時候學習。如果需要去其他校區，大學都有提供免費穿梭巴士或步行 15 分鐘即可到達！

 

點樣申請University of Hertfordshire？

除咗UCAS英國大學聯招，可以直接搵我哋GES嘅升學專家直接申請。