由於九月頭所以要同大家講係英國嘅大家有啲乜嘢要注意,我就當做一個便利貼女孩啦!


如果大家唔係第一年係英國讀書都應該知道九月天氣其實開始轉涼㗎啦,但由於唔同城市嘅氣溫都會有少少唔同,所以大家一定要睇天氣報告呀,費事冷親啦!如果你係初到英國讀書我要提提你越近南邊嘅就越暖,越北邊就越凍,我相信大家都知道嘅!由於英國冇香港濕度咁高比較乾,大家一定要帶多啲handcream如果唔係就成日都爆坼㗎啦,嚴重啲仲會流血添。再加上大家初到英國未必清楚係邊度買藥膏又唔知買咩牌子所以帶定穩陣啲費事皮膚敏感啦!仲有啊搭飛機嗰陣記住記住着返件褸話如果唔係凍親就冇覺好瞓㗎啦,大大話話都要坐成十幾個鐘🤔


至於洗唔洗帶啲零食又或者食物呢?我第一年去英國帶左好多野,但時間耐左你會慣咗唔會帶太多野。如果你第一年來又好掛住香港啲食物嘅話就帶多啲啦,始終英國嘅華人超市買嘅貨品亦都會比香港貴啲,希望大家有定心理準備。


除咗食物之外亦都要提大家可以帶定D傷風感冒既成藥去,老實講成年係英國真係有機會冷親,大家都知道係英國去睇醫生有幾麻煩㗎啦唔係一落街就有㗎嘛(雖然唔使錢)所以如果有時候頭暈傷風或者感冒者發燒都可以食感冒藥打定底!真係要提多次大家一個人係異地病咗真係好麻煩㗎!


好啦今日嘅提醒就講住咁多先希望大家唔好嫌我煩同埋真係希望對大家有用同埋大家一定要記得啦!

 

【延伸閱讀】個暑假大家過得好嗎?

 

 GES熱線 (查詢、諮詢及預約):
Tel: 3150 6060
Whatsapp: 6390 9020/ 63909026

立即查詢