【英國景點分享】英國倫敦大笨鐘

英國著名地標多不勝數，最為人熟悉嘅應該就係大笨鐘（Big Ben）啦！🔔大笨鐘正式名稱係伊麗莎白塔（Elizabeth Tower），亦叫The Great Bell，建於1859年5月31日，坐落於泰晤士河畔，國會大樓西敏廳外側。樓高 96 米、重13.5公噸嘅大笨鐘係世界第三高嘅鐘樓，由建築師查爾斯·拜利 (Charles Barry) 及奧吉斯都·普金 (Augustus Pugin) 設計，外牆以象牙石打造，☀日照時顯得特別宏偉及閃亮，而國會開會期間，鐘面亦會發出光芒。
.
百多年嚟大笨鐘每小時都會響起西敏鐘聲報時，只有喺國家戰亂如第一及第二次世界大戰或悼念時期先會壓制鐘聲。大笨鐘同時係當地慶祝新年同進行紀念儀式嘅地方🎇，不過鐘塔只開放畀英國居民透過國會代表安排參觀。
.
2017年，大笨鐘開始進行為期四年嘅維修換新，現時鐘面只保留其中一面，其餘暫時被遮蔽，大家想一睹佢嘅風采就要等到2021年啦！不過仍然可以喺除夕、國殤紀念日（每年11 月 11 日）等特別日子聽到報時鐘聲㗎！😌

資料來源：維基百科