一年一度嘅列治文夜市(Richmond Night Market) 翻嚟啦,由5月11號至10月8號(逢星期五、六、日)開足5個月,呢個夏天又有口福 .
.
Richmond Night Market 堪稱北美最大,熱鬧過台灣嘅夜市。每年大會都會定一個主題,攤檔亦會配合主題,推出相應產品。今年以「夏威夷」為主題,現場仲會推出各種海鮮 同消暑食物 。 Richmond Night Market喺2000年開始舉辦,深受當地人同遊客歡迎。加拿大身為一個匯合多文化嘅國家,喺Richmond Night Market就可以一次過試哂各國唔同嘅美食,掛住屋企嘅朋友記得去揾翻「家的味道 」啦!
.
成個夜市全場有300個攤檔,超過100個熟食檔口,仲有各種唔同文化嘅表演同遊戲,包你玩得開心 。 喺Richmond Night Market最有趣係你唔會覺得自己行緊夜市。因為加拿大夏天日長夜短嘅關係,去到夜晚9點個天都仲好似朝早咁光,就好似朝早去行夜市咁,有不一樣嘅感覺 。不過喺加拿大呢個地多人少嘅地方可以搵到一個人山人海,晚晚逼爆嘅場地,都真係幾特別。 Richmond Night Market 已經成為當地人必做活動同遊客必去景點,喺加拿大嘅吃貨記得唔好錯過!