國際運動盛事除咗有奧運會之外，亦都有英聯邦運動會(The Commonwealth Games)。英聯邦運動會同樣都係每四年舉辦一次，首屆於1930年加拿大舉行，參賽隊伍全都係屬於英聯邦成員國或其附屬國及地區，包括澳洲、紐西蘭、南非、加拿大、英國等等。直到今年，英聯邦運動會已經去到第21屆架啦！

目前，總共有53個英聯邦國家及71個隊伍參與。運動員人數高達6,000人，係最多運動員參與嘅國際運動盛事之一！比賽項目除咗有奧運會上熱門運動之外，亦有一啲係英聯邦國流行嘅比賽，好似草地滾球、七人制橄欖球同無網籃球。依家係澳洲黃金海岸舉行中嘅第21屆運動會上，仲首次新增咗沙灘排球比賽添。

籍著比賽，希望各國嘅運動員都能夠團結同公平咁參與，可以真正做到友誼第一、比賽第二。