唔好以為澳洲悉尼淨係得陽光與海灘,其實仲有一年一度的「繽紛悉尼燈光音樂節」(Vivid Sydney)架!

Vivid Sydney為南半球最大型、最矚目嘅一個藝術盛會,每年都會吸引近150 萬人參觀!呢個光影藝術表演融合咗燈光(Vivid Light)、音樂(Vivid Music)及創意(Vivid Ideas),以一系列主題嘅燈光投射、裝置藝術、表演為觀眾帶嚟一連串精彩嘅體驗。

今年則喺Vivid Sydney 舉辦嘅第10年,活動將比以往規模更大,更有氣勢
重頭戲唔駛講當然就係Vivid Light由夜晚6點開始,旅遊勝地之一嘅悉尼歌劇院將上演一場精彩幻燈投影show,將平日好優雅嘅貝殼風帆都變得七彩繽紛;當代藝術博物館(Museum of Contemporary Art) 嘅外牆會裝上大型LED裝置;之於Darling Harbour 就有噴泉、煙花、鐳射激光及音樂結合而成嘅多重感官體驗。而期間限定嘅3D投射燈光亦將大家熟悉嘅悉尼大學中的Quadrangle Building 變成打卡熱點。就連市區都有互動燈光藝術雕塑同裝置藝術比途人欣賞

為期23日嘅燈光音樂節令剛踏入冬季嘅悉尼變成一個璀璨嘅不眠夜,打造一個不一樣的城市。